أفتح شبابيك الهوى جيتك اليوم
بإحساس من زود الوله عده يطير..!
جيتك مثل طفلا" له أيـــام محروم
عن حضن أمه أبعدته المقـــادير
وجيتك مثل عودا" له أيام مهــموم
وده يلاقي بأخر الوقت تقــدير!!
متى (تحـــس) إن الهوى شي مقسوم؟؟
من قسمة الخالق على خلقه يصير؟؟
ومتى (تحــس) إني لك أطيح وأقوم؟؟
وأأأتعب على شانك وأقدرك وأغير
لي في هواك أحلام وآمال وعلوم
وأحزاب وأصحاب وقصيد وجماهير
وهموم وأفكار وهواجيس وحلوم
ودروب وأخطار وعذاب ومشاوير
وحب وغلا وإخلاص (ومعاند ولــوم)
وإحساس والهام وشعور وتفاكير
وصحبة سهر ومقاطعة لذة النوم
وأشواق جياشه وعشق وتعابير
في ذمتك مابان لك شي مكتوم؟؟
من بعد ماصورت الأوضاع تصوير
لاتحسب إنك شي عابر ومعدوم
وتاريخ حبك فاق كل الاساطير
كني لقيتك بأغنية لأم كلثوم
وكني قريتك في رواية شكسبير
في كل شي أتخيلك وأسمعك دوم
وأتاملك في الوقت الأول والآخير
من ماضي الأيام إلى يومك اليوم
وغلاك عندي ماحصل فيه تغيير!
وأنا لك الله ماأقبل البيع والسوم
ولا أرضى علي ولاعليك المخاسير!
لاني الوحيد اللي على بحرك يعوم
واللي عرف مرساه في رحلةالسير
لحظـــه حبيبي قبل يسبقني النوم!!
حبيت أقولك تمسي على خير!!
موضوع: احلي بيت شعر ادخلوا لا يفوتكم 
